વડોદરાના વ્યક્તિનું અમેરિકામાં કોરોના વાયરસથી મોત, મોટલ સંચાલક હતા

રવિ અગ્રવાલ, વડોદરા: વડોદરાના રહીશ અને વિદેશમાં વસતા હોય તેવા ત્રીજા નાગરિકના મોતના અહેવાલ આવ્યાં છે. શહેરના ફતેહગંજ વિસ્તારની સુવાસ કોલોનીમાં રહેતા મયંક રાય 40 વર્ષથી અમેરિકામાં મોટલ વ્યવસાય સાથે સંકળાયેલા હતાં. મયંક રાયનું સોમવારે કોરોના વાયરસના કારણે મોત નિપજ્યું છે. તેમના મોતથી સગા સંબંધીઓમાં શોકનું મોજું ફરી વળ્યું છે. 

અત્રે જણાવવાનું કે કોરોના વાયરસે સમગ્ર દુનિયામાં કાળો કેર વર્તાવ્યો છે ચીનના વુહાનમાંથી નીકળેલા આ વાયરસથી અમેરિકામાં હાલ ભયાનક સ્થિતિ સર્જાઈ છે. 

અમેરિકામાં આ સંક્રમણના કારણે 12722 લોકોના મોત થયા છે. અમેરિકામાં હાલ 4 લાખ જેટલા લોકો આ વાયરસના ભરડામાં આવી ચૂક્યા છે. છેલ્લા 24 કલાકમાં 1839 લોકોના મોત થયા છે. 

જુઓ LIVE TV

સમગ્ર દુનિયાની વાત કરીએ તો કોરોના વાયરસની ચપેટમાં 14,28,428 લોકો છે. જ્યારે આ વાયરસથી કુલ 82,020 લોકોના મોત થયા છે. આ વાયરસથી પીડાતા જોકે 3,00198 લોકો સાજા પણ થયા છે.